Хәбәрләр

4 февраль шимбә көнне Казанда -20 градус салкын булуга карамастан, “Гадел сайлаулар өчен” дигән шигарь астында узган урам җыенына 800гә якын кеше җыелды.
Якшәмбе, 5 февраль, 2012 - 15:24

foto1Фото  (Андрей End Кузнецов) Митинг башта урам йөреше итеп планлаштырылган иде, ләкин Казан мэриясендә моңа рөхсәт булмады. Нәтиҗәдә протест чарасы Мулланур Вахитов һәйкәле каршында узды. Мәйдан тимер рәшәткәләр белән камап алынган иде. Полиция хезмәткәрләре кешеләрне тикшереп уздырды. Мәйданда тәртип саклаучылар әллә ни күп түгел иде, шулай да янәшәдәге Щапов урамына таба полициянең берничә “автозак”, КамАЗ машиналары куелган иде. Полициялеләр өшемәс өчен киез итекләр, туннар кигәннәр иде.

Журналистлар җыелышында домен мәсьәләсе дә күтәрелде
Пәнҗешәмбе, 2 февраль, 2012 - 11:27

NEWS667Чәршәмбедә Казанда Татарстан гаммәви мәгълүмат агентлыкларының узган елгы эшенә нәтиҗә ясалып, 2012 елга бурычлар куелды. Чыгыш ясаучыларның сүзләренә караганда, журналист эшенә дәүләт әле дә тиешле игътибарны биреп җиткерми. Каләм ияләренең хезмәт хаклары республикадагы уртача хезмәт хакына да җитә алмый.

Бүгенге көндә Татарстанда 1008 гаммәви мәгълүмат чарасы эшләп килә. Болар арасыннан 683 басма, 198 электрон, 11 мәгълүмати, 116-сы даими электрон форматта республика халкына мәгълүмат җиткерә.
 
Мәскәүдә Путинны яклау митингына укытучыларны җәлеп итәләр
Сишәмбе, 31 гыйнвар, 2012 - 11:06

Мәскәү мәктәпләренә 4 февральдә шәһәрнең Тәүбә тавында премьер-министр Владимир Путинны яклап узарга тиешле митингка укытучыларны туплау турында карар килгән.
Бу мәгълүматны “Газета.ру”га ике мәктәптә раслаганнар.
Узган атнада Мәскәүнең мәгариф департаментында утырышта чыгыш ясап, һөнәр берлеге башлыгы митингка 30 мең укытучыны алып чыгарга вәгъдә итте, дип язды “Тере журнал”.
4 февральдә Мәскәүдә “Гадел сайлаулар” чарасы да узарга тиеш.

http://www.azatliq.org

Дамир Исхаков: "Путин әйткән сүзләргә ышанмыйм"
Җомга, 27 гыйнвар, 2012 - 16:25

NEWS678Тарих фәннәре докторы Дамир Исхаков президент сайлау алдыннан Русия хөкүмәте башлыгы Владимир Путинга татар мәнфәгатьләрен чагылдырган конкрет таләпләр куярга кирәк дип әйтә. Татарстан президенты Рөстәм Миңнеханов татарлар алдында торган бөтен проблемнарны да ачып салачак ачыктан-ачык сөйләшү үткәрер дип тә өметләнә ул.

Дамир Исхаковның “Җәдидчеләр клубы” берләшмәсе исеменнән Миңнехановка ачык хат белән мөрәҗәгать итүе Путинның милли сәясәткә багышланган Русиядә шау-шу тудырган мәкаләсе киң җәмәгатьчелек арасында  басылу белән бер вакыткарак туры килде.
 

  ЙQqqqqqQQ QQqqdffgfBez_sport_rek

kt