Казан үзәгендәге куркыныч һәлакәттәүлгән яшь табибәнең туганнары һәм дуслары авариянеңгаепчесе, наркотик кулланганнан соңруль артына утырган 19 яшьлек егет, Казан адвокатыныңулы кырыс җәзадан котылып калыр дип курка. Исерек килеш җәяүлене бәрдергән судья Эдуард Солдатов та шулай котылган иде.

Руль артына – наркотик кулланып

Искәртеп узабыз, фаҗига 22 апрель көнне Казан үзәгендә килеп чыга. Россия гадел хөкем академиясе студенты Артем Точилкинның ул кичтә рульгә наркотик кулланганнан соң утыруы төгәл билгеле (бу экспертиза белән расланган). Егет әнисенең кыйммәтле BMW машинасында Пушкин урамыннан Ирек мәйданы ягына таба җилдерә. Көтмәгәндә автомобиль каршы як полосага очып чыга һәм Ford Mondeo белән бәрелешә. Бәрелгәннән соң ике машина да җәмәгать транспорты тукталышына килеп керә, ул вакытта анда берничә кеше була. Нәтиҗәдә, ике хатын-кыз – Казанның 20 нче хастаханәсендә терапевт булып эшләүче 27 яшьлек Елена Смолягина алган җәрәхәтләрдән шул ук көнне һәлак була, опера театрының 38 яшьлек концертмейстеры Алсу Барышникова берничә җирдән имгәнә, аны шушы көннәрдә сырхауханәдән чыгаралар.